Tottenham er búið að reka Mauricio Pochettino úr starfi sem knattspyrnustjóri félagsins. Þetta var staðfest í kvöld.

Pochettino er rekinn eftir fimm ár í starfi, síðustu mánuði hefur hann virkað ósáttur í starfinu. Tottenham hefur upplifað gott gengi undir stjórn Pochettinho, fyrir hálfu ári var liðið í úrslitum Meistaradeildarinnar.

,,Við tökum svona ákvörðun ekki nema að vel ígrundðu máli, hún er heldur ekki tekinn í flýti,“ sagði Daniel Levy, stjórnarformaður féalgsins.

,,Úrslitin í keppnum á Englandi undir lok síðasta tímabils og í byrjun þessa tímabil, hafa verið vonbrigði.“

Samkvæmt veðbönkum er Mourinho líklegastur til að taka við en á eftir honum kemur Carlo Ancelotti, stjóri Napoli.

Brendan Rodgers og fleiri góðir koma svo til greina. Pochettino hefur verið ósáttur með kaupstefnu Tottenham og virkaði í vondu skapi síðustu mánuði. Lykilmenn hafa ekki viljað framlengja samninga sína, undir hans stjórn.

Enski boltinn á 433 er í boði