Brandur Olsen, miðjumaður FH hefur hug á að yfirgefa félagið. Hann telur sig geta spilað fyrir stærra félag. Fótbolti.net segir frá og vitnar í miðla í Færeyjum.
„Ég vil prófa eitthvað annað því ég tel að ég hafi það sem þarf til. Ég fór til Íslands til að ná leikjum undir beltið. Núna er ég búinn að spila 60 leiki og er klár í að taka næsta skref,“ sagði Brandur
Brandur er 23 ára sóknarsinnaður miðjumaður, hann var gríðarlegt efni þegar hann kom upp hjá stórliði FCK, áður en hann gekk í raðir Randers.
,,Það hafa enginn tilboð komið, það var vitað þegar hann kom til Íslands á sínum tíma, að hann væri ekki að fara að spila hér alla tíð. Það var spurning hvort þetta yrði, eitt, tvö eða þrjú ár. Eins og staðan er í dag er hann áfram hérna en það getur breyst, eins og allt annað,“ sagí Ólafur Kristjánsson, þjálfari FH við 433.is í síðustu viku.
