Einar Þór Sigurðsson skrifar frá Istanbúl:
Mikil spenna er í Istanbúl vegna leiks Tyrklands og Íslands í undankeppni EM nú síðdegis. Leikurinn hefst klukkan 20 að staðartíma en 17 að íslenskum tíma.
Tyrkjum dugar stig til að tryggja sæti sitt í lokakeppni Evrópumótsins, en eins og kom fram á blaðamannafundi í gær hefur íslenska liðið ekki lagt árar í bát og ætlar sér sigur á gríðarsterkum heimavelli Tyrkja.
Tyrkneskir fjölmiðlar hafa nú birt mögulegt byrjunarlið Tyrkja í leiknum, en eins og fram hefur komið er framherjinn Cenk Tosun meiddur og þá eru taldar litlar líkur á að fyrirliðinn Emre Belezoglu verði leikfær. Tyrkneskir fjölmiðlar telja að Burak Yilmaz, framherji Besiktas, byrji sem fremsti maður. Yilmaz er markahæsti leikmaðurinn í hópi Tyrkja með 24 landsliðsmörk. Þá er talið líklegt að Hakan Çalhanoğlu verði sóknartengiliður en þessi magnaði leikmaður spilar nú með AC Milan á Ítalíu.
Líklegt byrjunarlið Tyrkja:
Markmaður:
Mert Günok – İstanbul Başakşehir
Vörn:
Zeki Çelik – Lille
Merih Demiral – Juventus
Çağlar Söyüncü – Leicester
Hasan Ali Kaldırım – Fenerbache
Miðja:
Mahmut Tekdemir – İstanbul Başakşehir
Ozan Tufan – Fenerbache
Cengiz Ünder – Roma
Yusuf Yazıcı – Lille
Sókn:
Hakan Çalhanoğlu – AC Milan
Burak Yılmaz – Besiktas