Albert Brynjar Ingason er genginn í raðir Kórdrengja eftir að hafa hjálpað Fjölni upp í efstu deild í sumar.

Þetta staðfestu Kórdrengirnir í dag en Albert mun taka slaginn með liðinu í 2.deildinni næsta sumar.

Tilkynning liðsins:

Kórdrengir kynna til leiks Albert Brynjar Ingason

Albert þarf vart að kynna, hann á um 310 meistaraflokksleiki með Fylki, Val, Þór, FH og nú síðast Fjölni. Í þeim hefur hann skorað 105 mörk og er hann einn markahæsti leikmaður efstu deildar á íslandi síðustu 10 árin þrátt fyrir að hafa spilað tvö tímabil í næstefstu deild!

Kórdrengir eru gríðarlega ánægðir með þennan mikla liðstyrk sem Albert Brynjar er og einnig gríðarlega stoltir að hann hafi ákveðið að taka slaginn með okkur, frekar en þeim mörgu góðu liðum sem á eftir honum voru!

Við erum ekki hættir að styrkja okkur!

Við ætlum okkur upp!

Áfram Kórdrengir!