Það er krísa hjá Manchester United, félagið er við fallsvæði ensku úrvalsdeildarinnar og Ole Gunnar Solskjær, virðist vera að keyra bílinn í þrot.
Solskjær er á sínu fyrsta heila tímabili, hann er að breyta stefnu félagsin og kúltur. Gary Neville kallar eftir því að Solskjær fái tíma. ,,Kaupstefna félagsins hefur verið vonlaus í mörg ár, þeir hafa verið út um allt. Stjórar með mismunandi stíl sem fá sína leikmenn inn, þeir verða að laga þetta. Kaupa rétta leikmenn, þeir fengu þrjár í sumar sem hafa gert það ágætt. Núna þarf fimm eða sex leikmenn,“ sagði Neville.
Solskjær tók við United í desember í fyrra, byrjaði vel en það hefur hallað undan fæti. Sam Allardyce, sá reyndi maður. Útilokar það ekki að United falli úr deildinni.
,,Það er ekki útilokað að United falli, þeir gætu lent í meiri vandræðum. Sjálfstraustið fer og meiðslin gætu haldið áfram að stríða þeim,“ sagði Allardyce en United er tveimur stigum frá fallsæti í dag.
,,Leikmenn verða að ná heilsu, það virðist gerast hægar þegar liði gengur illa. Paul Pogba vill fara.“
,,Það er ekki nógu mikið magn af mörkum í þessu United liði, það gæti orðið til vandræða. Þeir stefna í fallbaráttu.“
Enski boltinn á 433 er í boði 
