Jim Ratcliffe, eigandi Nice, hataði eitt sinn stjóra félagsins, Patrick Vieira sem er fyrrum leikmaður Arsenal.
Ratcliffe er ríkasti maður Bretlands en hann keypti Nice fyrr á þessu ári og vinnur nú með Frakkanum.
Ratcliffe er stuðningsmaður Manchester United og þoldi ekki þegar Vieira mætti sínu liði á hans árum sem leikmaður.
,,Mér líkar við Patrick því hann hefur áhuga á að nota unga leikmenn og er sjálfur ungur stjóri,“ sagði Ratcliffe.
,,Ég hef hitt hann tvisvar áður og þá hataði ég hann. Hann barðist við Roy Keane hjá Manchester United og hann var algjör fáviti. Nú verð ég að vera góður við hann.“