Lucas Hernandez, leikmaður Bayern Munchen, viðurkennir að Real Madrid hafi reynt að fá sig á sínm tíma.
Hernandez var orðaður við Real í sumar en hann gekk á endanum í raðir Bayern frá Atletico Madrid.
Frakkinn var á óskalista Real í dágóðan tíma en hann neitaði að fara þangað eftir dvöl hjá grönnunum í Atletico Madrid.
,,Real var nú þegar búið að sýna mér áhuga, það er rétt en það gerðist ekki í sumar,“ sagði Hernandez.
,,Ég neitaði að fara þangað. Ég gat það ekki eftir að hafa klæðst litum Atletico Madrid í svo langan tíma.“
