Romelu Lukaku, leikmaður Inter Milan, hefur aldrei verið eins ánægður á sínum ferli.
Þetta segir Roberto Martinez, landsliðsþjálfari Belgíu en hann þekkir það vel að vinna með framherjanum.
Lukaku er mættur til Ítalíu en hann yfirgaf Manchester United í sumarglugganum.
,,Þetta er í fyrsta sinn sem ég sé hann frjálsan og ánægðan,“ sagði Martinez.
,,Ég hef aldrei séð Rom svona einbeittan, ánægðan og ferskan eftir að hafa fengið nýja áskorun.“
,,Hann er nú tilbúinn að hefja einn stærsta kafla ferilsins með Inter Milan. Hann lifir til að skora mörk og gera sitt með landsliði og félagsliði.“