Rapparinn Snoop Dogg er pirraður þessa stundina en hann fylgdist með HM kvenna í Frakklandi.
Snoop kemur frá Bandaríkjunum og vann bandaríska liðið mótið eftir sigur á Hollandi í úrslitum.
Hann heimtar að konurnar fái jafn vel borgað og mennirnir en karlaliðið fær um fimmfalt hærri upphæð fyrir sama árangur.
Karlalið Bandaríkjanna er ekki næstum eins gott í sínum flokki en kvennalandsliðið þykir vera það besta í heiminum.
,,Ég vil tala um það að þær fá aðeins 90 þúsund dollara á hvern haus en ef mennirnir vinna þá fá þeir 500 þúsund,“ sagði Snoop.
,,Þessir aumingjar í karlalandsliðinu munu kannski aldrei vinna neitt, þeir vinna aldrei neitt og komast ekki einu sinni upp úr riðlinum. Borgiði þessum konum. Borgiði þeim það sem þær eiga skilið.“