Völsungur heldur því fram að dómarinn, Sigurður Hjörtur Þrastarson hafi í dag kallað leikmenn félagsins, aumingja. Vísir.is segir frá.

Jóhann Kristinn Gunnarsson, þjálfari Völsungs segir þetta í viðtali við Vísir.is. Sigurður Hjörtur dæmdi leik liðsins gegn KR, í bikarnum í dag. KR vann 2-0 sigur en heimamenn voru óhressir með Sigurð.

Jóhann Kristinn segir að Sigurður hafi verið ósáttur við að koma alla þessa leið til að dæma hjá svona liði, eins og Völsungi. Sem leikur í 2. deild en Sigurður dæmir í efstu deild.

„Það hvernig þessi leikur fór kom dómaranum ekkert við en ég ætla að biðja hann afsökunar á að þurfa að draga hann hingað í leik. Hann var ekki stemmdur í það og átti mjög erfitt með sig, að þurfa að koma alla leið hingað og dæma hjá liði á þessu getustigi,“ sagði Jóhann eftir leikinn í dag, við Vísir.is.

Jóhann Kristinn segir að Sigurður hafi kallað leikmenn sína aumingja.

„Það kristallaðist í því að hann kallaði okkar leikmenn aumingja. Það var ljótt að sjá en hann átti ekki sök á tapinu. En þegar við komumst nálægt markinu þeirra var hann tilbúinn með flautuna.“