Guðmundur Andr Tryggvason mun að öllum líkindum ganga í raðir Víkings á næstu dögum. Þetta herma öruggar heimildir 433.is.
Víkingur hefur reynt síðustu vikur og mánuði að fá Guðmund að láni frá Start í Noregi, þar fær hann ekki tækifæri.
Allt stefnir í að Start muni lána Guðmund en það kemur í ljós síðar í dag, hvort kvittað verði á pappírana.
Guðmundur hefur leikið 18 leiki í efstu deild á Íslandi, með KR. Hann hélt í atvinnumennsku árið 2017, þar hefur gengið brösulega.
Guðmundur er fæddur árið 1999 en hann er sonur Tryggva Guðmundssonar, Víkingur er með tvö stig í Pepsi Max-deildinni eftir þrjár umferðir. Félagaskiptaglugginn á Íslandi lokar á miðvikudag.