fbpx
Sunnudagur 05.apríl 2020
433Sport

Margrét trylltist eftir heimsókn frá mömmu: ,,Margrét mín, mér finnst þú hafa fitnað“

Ritstjórn DV
Laugardaginn 13. apríl 2019 07:02

Ekki missa af Helstu tíðindum dagsins í pósthólfið þitt

Lesa nánar

Hlaðvarpsþátturinn, 90 mínútur hefur hafið göngu sína en um er að ræða þátt sem Hörður Snævar Jónsson, ritstjóri 433.is stýrir.

Rætt verður um fótbolta við áhugaverða gesti í vetur, farið verður um víðan völl.

Gestur þáttarins að þessu sinni er Margrét Lára Viðarsdóttir, hún hefur átt magnaðan feril, hún er ein allra besta, ef ekki besta knattspyrnukona sem Ísland hefur átt.

Margrét var barnastjarna, sem ólst upp í Vestmannaeyjum. Hún var einn besti leikmaður í heimi en meiðsli gerðu henni erfitt fyrir. Tölfræði hennar með kvennalandsliðinu er svo ótrúleg.

Margrét lék með liði Linköpings í Svíþjóð árið 2009 en hún fór þangað eftir frábært tímabil með Val árið áður.

Það var búist við miklu af Margréti er hún kom til félagsins en meiðsli settu stórt strik í reikninginn á þessum tíma.

,,Mér fannst Linköpings flottur staður, hæfilega stór fyrir mig Vestmannaeyjinginn. Þær urðu bikarmeistarar haustið áður en ég kem,“ sagði Margrét.

,,Þær voru með promising lið og ég vildi taka þátt í því. Ég átti að fá mjög stórt hlutverk og var bara mjög spennt fyrir því.“

,,Við urðum meistarar 2009, tvöfaldir meira að segja, bikarmeistarar líka en ég spilaði ekkert nema fram í júlí eða eitthvað.“

,,Aftur lendum við í því að þá sá sem fær mig, þjálfarinn hann var rekinn eða hætti eða eitthvað um haustið og annar sem tekur við í janúar.“

,,Þarna er ég orðinn ótrúlega slæm af meiðslum. 2008 tímabilið kom mér í gegnum það og ég var alltaf að drepast aftan í lærunum en spilaði leikina undir lokin.“

Margrét þurfti á meiri aðstoð að halda en félagið gat boðið upp á sem hafði slæm áhrif að lokum.

,,Árið 2009 fer ég út og aftur ætlaði ég að taka þetta með trompi, ég var að fara í atvinnumennsku og svo þróast það þannig að það var enginn sjúkraþjálfari þarna.“

,,Það bara nuddari, ekki að ég sé að gera lítið úr nuddurum, þeir eru frábærir. Þetta var bara stærra vandamál, ég þurfti meiri og betri meðhöndlun. Ég fékk það ekki.“

Hún byrjaði að þyngjast vegna meiðslanna eftir að hafa misst úr æfingum. Margrét segir svo skemmtilega sögu af því þegar móðir hennar mætti í heimsókn til Svíþjóðar.

,,Í fyrsta skiptið lendi ég í því að missa af æfingum og held bara áfram að borða það sem ég var að borða. Þá fer ég að þyngjast í fyrsta skiptið.“

,,Ég var ekki í góðu standi og tímabilið byrjar og ég spila fullt af leikjum. Ég kem alltaf fyrst inná ef ég er ekki í liðinu og er að setja mörk. Ég var samt ekki þessi leikmaður sem þeir höfðu séð fyrir sér.“

,,Ég lendi bara í erfiðum vítahring. Ég er bæði meidd og orðin aðeins of þung. Ég hafði aldrei skrifað matarbók, ég hafði aldrei þurft þess. Ég æfði bara á fullu, ég kem úr því að æfa 15 sinnum á viku sem krakki og svo minnkar það aðeins en ég æfi alltaf mikið.“

,,Það skipti ekkert máli, ég er líka bara rétt um tvítugt. Svo fara að setjast á mig einhver aukakíló, ‘aukakíló’ miðað við afreksmann.“

,,Það var ekki að vinna með mér og það var erfitt fyrir mig. Mamma kom í heimsókn í apríl eða eitthvað og hún sagði við mig: ‘Margrét mín, mér finnst þú bara hafa fitnað!’

,,Ég trylltist, ég var svo sár að hún hafi vogað sér að segja þetta en það var alveg rétt. Þetta var geggjaður staður og mér leið vel þarna en ég náði ekki að blómstra útaf meiðslum.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Góðverk eru smitandi
433Sport
Í gær

Stórhuga Grindvíkingar fengu Breta sem var þekktur fyrir að djamma og djúsa

Stórhuga Grindvíkingar fengu Breta sem var þekktur fyrir að djamma og djúsa
433Sport
Í gær

Taktu prófið: Hversu vel ertu að þér í ártölum?

Taktu prófið: Hversu vel ertu að þér í ártölum?
433Sport
Í gær

Taktu prófið: Hversu vel þekkir þú frægar kærustur knattspyrnumanna?

Taktu prófið: Hversu vel þekkir þú frægar kærustur knattspyrnumanna?
433Sport
Fyrir 2 dögum

Góðverk Henderson vekur mikla athygli

Góðverk Henderson vekur mikla athygli
433Sport
Fyrir 2 dögum

Taka ekki á sig launalækkun en gefa í góðgerðarmál

Taka ekki á sig launalækkun en gefa í góðgerðarmál
433Sport
Fyrir 2 dögum

Félagaskipti sem gerðu allt vitlaust

Félagaskipti sem gerðu allt vitlaust
433Sport
Fyrir 2 dögum

Gummi Ben fullyrðir að Rúnar Páll hafi reynt að fá Heimi í Stjörnuna

Gummi Ben fullyrðir að Rúnar Páll hafi reynt að fá Heimi í Stjörnuna
433Sport
Fyrir 2 dögum

Lið í efstu deild greiddu vel á annan milljarð í laun á síðasta ári

Lið í efstu deild greiddu vel á annan milljarð í laun á síðasta ári