Það var boðið upp á mjög fjöruga leiki í Lengjubikar karla í dag en 12 mörk voru skoruð í aðeins tveimur leikjum.

Fylkir og ÍBV áttust við á Wurth vellinum en þar höfðu Fylkismenn betur með fjórum mörkum gegn tveimur.

Fylkismenn komust í 4-0 í leik dagsins áður en Eyjamenn löguðu stöðuna með tveimur mörkum í seinni hálfleik.

Fjörið var þá einnig mikið á Ólafsvíkurvelli þar sem heimamenn í Víking fengu Þrótt í heimsókn.

Leiknum lauk með 3-3 jafntefli en þrjú mörk voru skoruð í fyrri hálfleik og þrjú í þeim seinni.

Fylkir 4-2 ÍBV
1-0 Hákon Ingi Jónsson
2-0 Emil Ásmundsson
3-0 Ragnar Bragi Sveinsson
4-0 Ásgeir Eyþórsson
4-1 Telmo Ferreira Castanheira
4-2 Sigurður Arnar Magnússon

Víkingur Ó. 3-3 Þróttur R.
1-0 Ibrahim Sorie Barrie
1-1 Hreinn Ingi Örnólfsson
2-1 Grétar Snær Gunnarsson
2-2 Gústav Kári Óskarsson
2-3 Aron Þórður Albertsson(víti)
3-3 Kristinn Magnús Pétursson