Lára Kristín Pedersen, opnar sig um fíkn sína og vandamál í viðtali við Fótbolta.net. Lára Krstín leikur með Þór/KA.
Lára ólst upp í Aftureldingu en fór þaðan í Stjörnuna, síðasta haust ákvað hún svo að skella sér til Akureyrar.
Lára hefur í mörg ár barist við matarfíkn, hún segir í viðtalinu frá því hvernig hún hámaði í sig pizzu úti í bíl. Hún er 24 ára gömul í dag og segi sögu sína en hún hefur bæði stolið og logið vegna sjúkdómsins.
„Þetta lýsir sér í óeðlilegu sambandi við mat, óeðlilegri hegðun í kringum mat og óeðlilegri löngun. Þetta er ekki bara það að þér finnist gott að borða. Þú breytir allri þinni hegðun í kringum mat,“ segir Lára við Fótbolta.net.
Það var frá 2016 til ársins 2017 þar sem matarfíkn Láru náði hámarki, hún fór í gegnum erfiða tíma.
„Sá vetur var sá langerfiðasti. Þá var þetta búið að taka það mikið yfir. Dagarnir voru allir eins. Maður vaknaði og ætlaði að hætta þessu loksins en það liðu kannski ekki meira en tíu mínútur áður en maður var farin út í ruslatunnu að ná í það sem maður henti kvöldinu áður og ætlaði ekki að snerta. Ég bý við hliðina á ömmu og afa og þá fór ég yfir til þeirra og stal einhverju af þeim. Maður var á beit allan daginn. Fór kannski í Hagkaup Garðabæ og nokkrum tímum seinna pantaði maður sér pizzu,“
Lára fór einnig að ljúga til að sleppa við æfingar með landsliðinu. Hún fór og hitti Freyr Alexandersson sem var þjáfari liðsins.
„Ég hef tvisvar ef ekki þrisvar þurft að hitta Freysa fyrir landsliðsæfingar sem ég var boðuð á og treysti mér ekki á. Þá var ég búin að liggja á beit í margar vikur áður en ég átti að mæta, og í rauninni bara lýg að honum að ég sé þunglynd og geti ekki mætt á æfingu. Hann sýndi því skilning.“
Lára hefur leitað sér hjálpar og fer reglulega á fundi, hún segir baráttuna við fíknina ekki hætta. ,,Þetta kallast fráhald, þá heldur maður sig frá ákveðnum matartegundum sem valda fíkn, eins og alkahól fyrir alkahólistann. Þú vigtar allar þinn mat. Borðar þrjár nokkuð stórar máltíðir á dag og vigtar hvert einasta gramm.“