Jonathan Barnett umboðsmaður Gareth Bale segir að kantmaðurinn sé afar ánægður í herbúðum Real Madrid.
Barnett blæs á allar þær sögur í spænskum miðlum um að Bale fari í sumar.
Forráðamenn Real Madrid eru sagðir hafa misst þolinmæðina gagnvart Bale.
,,Gareth er leikmaður Real Madrid og hann elskar Real Madrid og Real Madrid elskar Gareth,“ sagði Barnett.
,,Allir þeir blaðamenn sem skrifa um að hann sé að fara vita ekki neitt.“
,,Þeir þurfa að skrifa eitthvað og þurfa ekki að spá í því hver sannleikurinn er.“
