Stuðningsmenn Manchester United eru margir hverjir að fá ógeð af því, á hvaða vegferð félagið er á þessa dagana.
Undir stjórn Jose Mourinho er félagið í krísu, stefnulaust og stjörnuleikmenn standa ekki undir væntingum. Sumir kenna stjóranum um en aðrir setja ábyrgðina á leikmenn.
Íslendingur að nafni, Ólafur ritar pistil í stuðningsmannagrúbbu Manchester United á Íslandi, þar lýsir áhyggjum sínum af stöðu félagsins.
,,Ég hef stutt Man.Utd í 40 ár. En í dag skammast ég mín fyrir að vera stuðningsmaður Man.Utd,“ skrifar Ólafur.
,,Fyrir hvað stóð Old.Trafford? Leikhús draumana! Fyrir hvað stendur Old. Trafford í dag? Leikhús martraða og leiðinlega knattspyrnu.“
Þurfa leikmenn ekki að sýna ástríðu og virðingu fyrir að klæðast treyju Man.Utd þó árið sé 2018?
Fleiri taka undir orð Ólafs en ljóst er að Mourinho fer að missa starfið sitt ef gengi liðsins fer ekki batnandi.
Pistill Ólafs í heild:
Góðan daginn Manchester stuðningsmenn.
Ég hef stutt Man.Utd í 40 ár. En í dag skammast ég mín fyrir að vera stuðningsmaður Man.Utd
Fyrir hvað stóð Old.Trafford? Leikhús draumana!
Fyrir hvað stendur Old. Trafford í dag?
Leikhús martraða og leiðinlega knattspyrnu.
Ég hef verið að flakka á milli vefmiðla í dag.
Er ég einn um að vonast eftir að sjá
(Mourinho rekinn staðfest) ? Hvað á þetta lengi að ganga? Tímir Ed ekki að borga uppsagnarfrestinn?
Ed þarf líka að stíga til hliðar og selja klúbbinn.
Er engin metnaður en til staðar hjá United?
Snýst þetta bara núna um hárið á Fellaini? Hversu há laun Alexis fær og Hversu margar Followers Pogba fær á Instagram? Ferguson væri búinn að selja Smalling bara fyrir það hvað henn setur ofan í sig.
Hvar er metnaðurinn? Hvar er harkan?
Geta allir labbað inn í Man.Utd í dag?
Þurfa leikmenn ekki að sýna ástríðu og virðingu fyrir að klæðast treyju Man.Utd þó árið sé 2018?