Mateo Kovacic miðjumaður Chelsea er í stuði þessa stundina en hann er á ferðalagi með landsliði Króatíu.
Þar er einnig með í för Dejan Lovren varnarmaður Liverpool en þeir eru góðir vinir.
Kovacic sat fyrir svörum hjá fréttamönnnum í gær og ákvað að skjóta aðeins á Lovren.
,,Liverpool verður ekki enskur meistari. Af hverju? AF því að þeir eru með Dejan Lovren,“ sagði Kovacic.
Allur salurinn sprakk úr hlátri og augljóst var að þetta var grín. Lovren er hins vegar oftar en ekki á bekknum en Joe Gomez og Virgil van Dijk eru fyrstu menn á blað í hjartar varnarinnar.