Erik Hamren, landsliðsþjálfari, mætti á blaðamannafund í dag en íslenski landsliðshópurinn fyrir komandi verkefni er kynntur.
Hamren hefur verið ánægður með spilamennsku Íslands undanfarið þrátt fyrir að liðinu hafi ekki tekist að ná í sigur.
Hamren segir að það sé ýmislegt sem Ísland þurfi að bæta eftir nokkuð erfitt gengi en er þó bjartsýnn á framhaldið. Liðið á leik á næstunni gegn Belgum í Þjóðadeildinni.
,,Frammistaðan undanfarið hefur verið mikið betri, við höfum ekki unnið en við sýndum hugrekki og siguranda,“ sagði Hamren.
,,Hvað þarf að gera betur? Við þurfum að bætta okkur í öllu, við þurfum að bæta ákvarðanatöku og einbeitingu á mikilvægum tímum í leikjum.“
,,Við erum ekki að gera nóg og okkur er refsað fyrir það. Við fáum á okkur of mikið af auðveldum mörkum.“