Yerry Mina er að ganga til liðs við Barcelona en þetta fullyrða spænskir fjölmiðlar í dag.
Þessi 23 ára gamli varnarmaður kemur til félagsins frá Palmeiras í Brasilíu en hann er frá Kólumbíu.
Félagið sér hann sem arftaka Javier Mascherano sem er að öllum líkindum að yfirgefa félagið.
Börsungar ætla sér stóra hluti í glugganum en Philippe Coutinho, sóknarmaður Liverpool er sagður efstur á óskalista félagsins.
Félagið undirbýr nú 110 milljón punda tilboð í hann en Liverpool vill fá að minnsta kosti 130 milljónir punda.
