Philippe Coutinho, sóknarmaður Liverpool er sterklega orðaður við Barcelona þessa dagana.
Börsungar buðu þrisvar sinnum í Coutinho, síðasta sumar en Liverpool hafnaði öllum tilboðum spænska félagsins.
Liverpool vill halda í sinn besta leikmann en það gæti reynst erfitt þar sem að Coutinho er sagður vilja komast til Spánar.
Enska félagið vill fá að minnsta kosti 130 milljónir punda fyrir hann en það er ljóst að hann myndi styrkja lið Barcelona mikið.
Hér fyrir neðan má sjá líklegt byrjunarlið Barcelona ef félagið nær að landa Coutinho.
