Alexis Sanchez, leikmaður Manchester United, segir að liðið verði að eyða í nýja leikmenn áður en félagskiptaglugginn lokar á morgun.
Sanchez er ekki of hrifinn af því sem United hefur gert í sumar og vill fá stærri nöfn til félagsins.
,,Manchester United verður að fara út á völlinn með það í huga að vinna allt mögulegt,“ sagði Sanchez.
,,Við erum stórt félag. Við höfum átt misgott undirbúningstímabil en nú verðum við að koma hlutunum í stand á æfingum.“
,,Hjá þessu félagi þá verðum við að kaupa stór nöfn sem koma með reynslu í liðið.“
,,Barcelona keypti Arturo Vidal í sumar sem er frábær leikmaður og liðsfélagi minn hjá Síle.“
,,Við þurfum á þannig leikmönnum að halda til að geta keppt um bikara.“
