Usain Bolt, fljótasti maður heims, er ákveðinn í því að verða atvinnumaður í knattspyrnu en það hefur lengi verið hans draumur.
Bolt hefur lagt hlaupaskóna á hilluna og hefur undanfarið ár reynt fyrir sér hjá hinum ýmsu liðum í Evrópu.
Bolt hefur nú fengið boð frá Ástralíu en liðið Central Coast Mariners er tilbúinn að leyfa framherjanum að koma á reynslu.
Þetta segja ástralskir fjölmiðlar en yfirmaður knattspyrnumála félagsins er Mike Phelan, fyrrum aðstoðarþjálfari Manchester United.
Bolt er mikill aðdáandi Manchester United og mætir reglulega á leiki liðsins og hefur gert í mörg ár.
Bolt er 31 árs í dag en hann gæti fengið eins árs langan samning í Ástralíu ef hann stendur sig á æfingum.
