Hörður Snævar Jónsson skrifar frá Rússlandi.
,,Við erum svekktir en að sama skapi erum við í vígahug, við getum ekki beðið eftir næsta leik. Við erum með óbragð í munninum,“ sagði Hannes Þór Halldórsson markvörður Íslands á æfingu liðsins í Rússlandi í dag.
Íslenska liðið er að hrista af sér tapið gegn Nígeríu í gær og ætlar sér sigur á Króatíu á þriðjudag.
Íslenska liðið verður að vinna leikinn og treysta á hagstæð úrslit í leik Nígeríu og Argentínu.
,,Það hentar okkur vel að fara í úrslitaleik, við þurfum að vinna hann. Við höfum oft verið upp við vegg síðustu ár og gert hlutina erfiðari fyrir okkur. Við förum fjallabaksleiðina, við höfum oft staðið í þeirri stöðu. Ég fulla trú á því að þetta gerist á þriðjudag.“
Hannes segir íslenska liðið ekki tilbúið að ljúka keppni á HM á þriðjudag. ,,Við ætlum ekki heim, við ætlum að vinna leikinn sama hvernig við förum að því.“
Viðtalið er í heild hér að neðan.