Hörður Snævar Jónsson skrifar frá Rússlandi:

,,Það hefur komið mér á óvart hversu rólegir við erum búnir að vera,“ sagði Gylfi Þór Sigurðsson leikmaður íslenska landsliðsins fyrir æfingu liðsins í Rússlandi í dag.

Íslenska liðið er að æfa í þriðja sinn í dag en nú er farið að styttast í fyrsta leik á HM, liðið hefur leik á laugardaginn gegn Argentínu.

Meira:
Ítarlegt viðtal við Gylfa í Rússlandi – ,,Ég hélt að það yrði meiri spenna og æsingur í okkur“

Eins og flestir vita var Gyfi Þór meiddur í um þrjá mánuði en hann hefur lagt allt í sölurnar til að vera í toppstandi í Rússlandi.

,,Ég er ekki alveg orðinn 100 prósent, ég er búinn að spila einu sinni 65 mínútur,“ sagði Gylfi um ástand sitt.

,,Ég er á betri stað en ég þorði að vona, þegar ég meiddist og var að koma til baka. Það hefði verið frábært að ná fleiri leikjum, maður reynir að gera meira á æfingum.“

,,Í hausnum er maður að hugsa hvort maður hefði getað gert ennþá meira, þetta er búið að vera mjög gott. Góðar æfingar síðustu 2-3 vikur,