Andres Iniesta, fyrirliði Barcelona er að öllum líkindum á förum frá félaginu.
Samningur hans við spænska liðið rennur út í sumar og er honum því frjálst að yfirgefa félagið þann 1. júlí næstkomandi.
Iniesta hefur verið orðaður við félög í Kína en Mirror greinir frá því í dag að Manchester City hafi mikinn áhuga á leikmanninum.
Pep Guardiola, stjóri City þekkir vel til leikmannsins en þeir unnu saman hjá Barcelona á sínum tíma.
Þá þykir líklegast að Iniesta fari til City, samkvæmt enskum veðbönkum en hann er uppalinn hjá Barcelona og hefur spilað fyrir félagið allan sinn feril.
