Hið árlega strandhandboltamót fer fram í Nauthólsvík á laugardaginn kemur, 23. júlí. Mótið verður með sama sniði og undanfarin ár, gleðin í fyrirrúmi og útlit fyrir mikla skemmtun. Skráning og allar nánari upplýsingar um mótið má finna á facebook-síðu Strandhandboltans.
Góð þátttaka hefur verið í mótinu undanfarin ár og hafa mörg liðin verið með innan sinna raða marga af þekktustu handboltamönnum landsins. Strandhandbolti nýtur mikilla vinsælda um heim allan.