Tuttugu og fjórir létu lífið í Pakistan eftir að hafa smakkað sætabrauð. Eftir nánari eftirgrennslan kom í ljós að meindýraeitur hafði verið komið fyrir í sætabrauðinu, að sögn Pakistanskra yfirvalda. Tugir annarra einstaklinga hafa verið lagðir inn á spítala.

Pakistaninn Umer Hayat, keypti fimm kíló af laddu. Laddu er hringlaga bakkelsi að indverskum uppruna. Hann keypti vöruna í þorpinu Karor Lal Essan, að sögn lögreglumanns í bænum. Hayat hafði keypt sætindin til að fagna afmælisveislu barnabarns síns.

CNN greinir frá því að Hayat sé nú undir stöðugu eftirliti á spítala. Sex bræður hans og systir, ásamt tveimur börnum úr fjölskyldunni hafa látið lífið í kjölfar neyslu sætindanna.

Rannsóknaraðilar segja verslunareigendurna verða að viðurkenna það að hafa fyrir slysni blandað meindýraeitrinu í sætabrauðið.

Versluninni hefur nú verið lokað og eigendur komnir í gæsluvarðhald, að sögn lögreglunnar.