Í gegnum tíðina hefur Ísbúð Vesturbæjar verið órjúfanlegur hluti af mannlífi Vesturbæjarins; krakkar og annað ungt fólk, m.a. úr nærliggjandi skólum, veit fátt betra en að fara í uppáhaldsísbúðina sína. Sömu sögu er að segja um KR-inga og annað gott fólk! Það var þó ekki annað hægt en að deila ljúffenga leyndarmálinu með öðrum borgarbúum og breiddist út ísfagnaðarerindið, sem skilaði sér í opnun fleiri útibúa Ísbúðar Vesturbæjar.
Kristmann Óskarsson framkvæmdastjóri segir að viðtökurnar á nýju stöðunum hafi farið fram úr björtustu vonum og á þeim sé líka fullt út úr dyrum um kvöld og helgar, rétt eins og raunin hefur alltaf verið á Hagamelnum.
„Hinn víðfrægi „Gamli ís“ er sérstaklega framleiddur fyrir Ísbúð Vesturbæjar og fæst ekki í neinum öðrum ísbúðum,“ segir hann. „Sá ís er því bæði sérhæfing okkar og aðalsmerki. Sá gamli er vinsælastur hjá okkur enda ferskur og bragðgóður hágæða mjólkurís sem allir kunna að meta. Nafnið vísar í gamla ísinn sem hefur verið seldur í Ísbúð Vesturbæjar við Hagamel um árabil og fjölmargir þekkja. Ísbúð Vesturbæjar býður líka upp á rjómaís og þeyting, eða Bragðaref, sem eru sígildir. Að sjálfsögðu er einnig alltaf klassískt og gott að fá sér einfaldlega ís með dýfu í brauði en úrvalið í dag er orðið svo miklu meira en þekktist áður og sósutegundirnar og hið ýmsa meðlæti er hreint ævintýralegt!“ segir Kristmann að lokum.
Á næstunni verður opnuð Ísbúð Vesturbæjar í Grafarvogi
Ísbúð Vesturbæjar er á eftirtöldum stöðum: Hagamel 67, Grensásvegi 50, Skipholti 50c og Bæjarlind 1–3, Kópavogi og Fjarðargötu 19, Hafnarfirði.
Opnunartími búðanna er frá kl. 12:00 – 23:30 alla daga vikunnar.
www.facebook.com/isbudvesturbaejar/
