Óstaðfestar fregnir herma að rútunni hafi verið ekið út af brú og hafi hrapað niður. Slysið átti sér stað í Hwangha héraði. Kínverskir stjórnarerindrekar eru á leið á slysstaðinn.
Kínverska ríkissjónvarpið sagði á Twitter í morgun að um ferðamannarútu hafi verið að ræða og að hún hafi hrapað fram af brú. Þá kom fram að minnst 30 hafi látist. Færslunni var síðan eytt og stjórnvöld hafa ekki viljað staðfesta þetta.
Hwangha héraðið liggur að Suður-Kóreu og þar er borgin Kaesong sem var höfuðborg kóreska konungsríkisins Goryeo.
Talið er að ferðamannaiðnaðurinn færi Norður-Kóreu 44 milljónir dollara í tekjur á ári. Um 80 prósent allra erlendra ferðamanna, sem heimsækja landið, eru frá Kína.