Katrín, hertogaynja af Cambridge, eiginkona Vilhjálms Bretaprins var lögð inn á fæðingardeild St Mary‘s sjúkrahússins í Lundúnum nú í morgun en hún er komin með hríðir og því er þriðja barn þeirra hjóna væntanlegt í heiminn. Hin tvö börn Katrínar og Vilhjálms, Georg og Charlotte, fæddust einmitt á þessu sjúkrahúsi.

Það var tilkynnt í september að þau hjón ætti von á þriðja barni sínu. Eins og með fyrri tvær meðgöngunar var tilkynnt snemma um þetta þar sem Katrín hefur þjáðst af mjög mikilli morgunógleði á þeim og átt erfitt með að sinna konunglegum skyldum sínum.

Sky-fréttastofan segir að breska hirðin hafi aðeins upplýst að von væri á barninu í heiminn nú í apríl en hafi ekki skýrt nánar frá dagsetningu. Sky segir hjónin viti ekki hvors kyns barnið er.

Sömu læknar. ljósmæður og hjúkrunarfræðingar og tóku á móti George og Charlotte munu koma að fæðingunni núna.