Sautján ára dóttir Ívars Péturs Hannessonar strauk úr meðferðarúrræði á Hellu um klukkan 16:00 í dag. Ívar Pétur greinir frá því á Facebook-síðu sinni að dóttur hans sé saknað. Ívar Pétur segir:
„Getið þið haft augun opin fyrir þessari stúlku fyrir mig. Þetta er 17 ára dóttir mín og hún strauk frá Hellu kl 16:00 í dag. Veit að þetta er í 100. Skipti sem ég bið ykkur um aðstoð við að finna hana og það er ekki laust við smá skömm hjá mér.“
Fjölmargir hafa deilt stöðuuppfærslu Ívars og benda réttilega á að engin ástæða sé til að skammast sín. Það sem sé mikilvægt sé að finna dóttur hans. Þessi frétt er birt í samvinnu við aðstandendur en hægt er að hafa samband við Ívar á Facebook eða setja sig í samband við yfirvöld.
Ívar Pétur segir: „Væruð þið til í að deila þessari færslu fyrir mig svo ég geti haft uppá henni sem fyrst.“
Uppfært klukkan 07.40 20.08.2018
Stúlkan er fundin.