Óvenjulegt mál var til lykta leitt fyrir þýskum dómstólum á dögunum en það varðaði fyrrverandi hjón og barn sem eiginkonan fyrrverandi eignaðist eftir að þau skildu.
Þannig er mál með vexti að hjónin létu frysta frjóvgað egg fyrir fimm árum ef ske kynni að þau vildu eignast barn síðar meir. Hjónin skildu síðan sem fyrr segir en konan, Inge, ákvað að nota eggið samt sem áður og varð ófrísk í kjölfarið. Þetta var þvert gegn vilja eiginmannsins fyrrverandi, Karl, og er Inge sögð hafa falsað undirskriftir hans á pappírum áður en eggið var sett upp.
Karl ákvað að stefna eiginkonunni fyrrverandi eftir að hann fékk bréf þess efnis að hann skuldaði meðlag. Undirréttur í Munchen úrskurðaði Inge hins vegar í vil og þarf Karl því að gera sér að góðu að greiða meðlag með barninu.
Bæði Karl og Inge höfðu gefið leyfi fyrir því að láta frysta egg, en Karl hélt því fram að hann hefði afturkallað leyfið eftir skilnaðinn. Vildi hann að stofan sem sá um að frysta eggið og koma því fyrir í Inge yrði ábyrgt fyrir meðlagsgreiðslunum. Því hafnaði rétturinn.