fbpx
Þriðjudagur 11.desember 2018
Fréttir

„Vel til fundið hjá ungri Framsóknarkonu að losa Ísland við gyðingavandamálið“

Ritstjórn DV
Mánudaginn 19. febrúar 2018 11:07

„Júdea, hið forna ríki Ísraelsmanna, féll í hendur Rómverja fyrir liðlega 2100 árum. Trúarbrögð gyðinga voru bönnuð og Seifslíkneski komið fyrir í musterinu. Tíminn leið og gyðingar dreifðust út um heim. Fjölmargar þjóðir litu á þá sem vandamál og takmörkuðu réttindi þeirra á alla lund.“

Þannig hefst pistill eftir Óttar Guðmundsson lækni sem birtist í Fréttablaðinu um helgina. Pistillinn hefur vakið mikla athygli. Er Óttar harðorður í garð frumvarpsins sem þingmenn fjögurra flokka á Alþingi hafa lagt fram sem kveður á um bann við umskurði drengja. Silju Dögg Gunnarsdóttur, þingmaður Framsóknarflokksins er fyrsti flutningsmaður frumvarpsins. Biskup Íslands er einnig á móti frumvarpinu sem Karim Askari framkvæmdastjóri stofnunar múslima á Íslandi. Karim sagði:

„Umskurður drengja er réttur okkar sem múslima. Þetta er ekki eitthvað sem við getum bara sleppt. Við fylgjum og virðum íslensk lög eins og við fylgjum lögum í öðrum löndum, en þetta er okkar réttur sem múslimar á Íslandi. Umskurður er ekki eitthvað sem er bundið við Ísland, þetta er um allan heim og hefur viðgengist í þúsundir ára.“

Bjarni Jónsson hjá Siðmennt er á öðru máli og segir:

„Umskurður á ungum börnum brýtur gegn grundvallarréttindum barna samkvæmt Barnasáttmála Sameinuðu þjóðanna sem nýlega var lögfestur hér á landi. Umskurður felur í sér óafturkræf inngrip í líkama drengja sem getur haft í för með sér mikinn sársauka auk þess sem slíkri aðgerð fylgir hætta á sýkingum og öðrum vandamálum.“

Óttar bendir á í pistli sínum að Gyðingaþjóðin sé talin bera ábyrgð á dauða Krists og orðið fyrir ofsóknum vegna þess.

„Þær náðu hámarki í Þriðja ríkinu á liðinni öld enda var sagt í stefnuskrá Nasistaflokksins að gyðingar gætu einfaldlega ekki verið meðlimir í þýsku samfélagi. Nokkrum ofsóttum gyðingum tókst að flýja til Íslands en flestir voru sendir heim aftur. Skömmu fyrir stríðsbyrjun reyndu nokkrir Íslendingar að veita munaðarlausum gyðingabörnum landvist en var meinað það af Hermanni Jónassyni ráðherra.“

Segir Óttar að fjallað sé um umskurð sveinbarna í Fyrstu Mósebók og að umskurður ungra drengja sé óaðskiljanlegur hluti af trúarathöfnum gyðinga.

„Það er sérlega vel til fundið hjá ungri Framsóknarkonu að feta í fótspor Hermanns og losa Ísland við gyðingavandamálið.“

Óttar heldur áfram:

Nú á að banna umskurð sveinbarna með lögum að viðlagðri fangelsisvist. Með slíkri löggjöf sköpum við okkur algjöra sérstöðu í heiminum með því að úthýsa endanlega þessum gamla ættbálki frá Júdeu áður en hann gæti mögulega orðið vandamál hérlendis. Skilaboð okkar til umheimsins eru skýr og gamalkunn: Gyðingar geta ekki verið meðlimir í íslensku samfélagi.

Okkur tekst með þessu að koma Íslandi á heimskortið sem andsemitísku ríki og losnum þannig við fjölmarga óæskilega túrista frá Ísrael og Bandaríkjunum. Enn og aftur standa Framsóknarmenn í fararbroddi og verja heiður og orðstír landsins.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Jón ósáttur við Frosta og Mána: „Þessi ósmekklega árás var ekki bara á mig heldur á alla fjölskylduna mína“

Jón ósáttur við Frosta og Mána: „Þessi ósmekklega árás var ekki bara á mig heldur á alla fjölskylduna mína“
Fréttir
Í gær

Aftur tekist á um Gunnar Nelson: „Maður á nærbuxunum fagnar því að hafa slasað annan mann“

Aftur tekist á um Gunnar Nelson: „Maður á nærbuxunum fagnar því að hafa slasað annan mann“
Fréttir
Fyrir 2 dögum

Úttekt á Klaustursmönnum: Sigmundur dýrastur, Gunnar Bragi skrópar í atkvæðagreiðslum

Úttekt á Klaustursmönnum: Sigmundur dýrastur, Gunnar Bragi skrópar í atkvæðagreiðslum
Fyrir 2 dögum

Hörð barátta um mikil verðmæti úr flaki Titanic

Hörð barátta um mikil verðmæti úr flaki Titanic
Fréttir
Fyrir 2 dögum

Borgin hyggst innheimta gjald af öðrum sveitarfélögum vegna íbúa sem nýta þjónustu neyðarskýla

Borgin hyggst innheimta gjald af öðrum sveitarfélögum vegna íbúa sem nýta þjónustu neyðarskýla
Fréttir
Fyrir 3 dögum

Vísar í vafasöm Youtube-myndbönd á Alþingi: „Fordómar þínir gagnvart Evrópubúum eru alveg með ólíkindum“

Vísar í vafasöm Youtube-myndbönd á Alþingi: „Fordómar þínir gagnvart Evrópubúum eru alveg með ólíkindum“
Fyrir 3 dögum

Ekki hátt risið á Norðlendingum núna

Ekki hátt risið á Norðlendingum núna