fbpx
Sunnudagur 16.desember 2018
Fréttir

Bára er uppljóstrarinn á Klaustri – „Ég er eiginlega stolt af því að vera litla þúfan sem velti þessu þunga hlassi“

Björn Þorfinnsson
Föstudaginn 7. desember 2018 07:20

Bára Halldórsdóttir. Mynd/Facebook

„Það hefur verið ótrúlegt að fylgjast með atburðarásinni síðustu daga úr fjarlægð. Ég gat ekki séð þetta fyrir en það er ánægjulegt að vita til þess að lítil þúfa getur lyft þungu hlassi,“ segir Bára Halldórsdóttir í samtali við DV. Bára var stödd fyrir tilviljun á barnum Klaustur, þriðjudagskvöldið 20.nóvember síðastliðinn, þegar hún varð vitni að groddaralegu tali hóps fólks. Hún þekkti aðeins Sigmund Davíð Gunnlaugsson, fyrrverandi forsætisráðherra, í sjón en grunaði að þeir sem sátu með honum að sumbli væru þingmenn eða aðstoðarmenn þeirra.

Báru ofbauð svo það sem hún heyrði að hún hóf að taka samtalið upp. Að því loknu ákvað hún, að vel athuguðu máli, að senda afrit af upptökunum á þrjá fjölmiðla, DV, Stundina og Kvennablaðið. Flestir þekkja afleiðingarnar en í hönd fór ein lygilegasta atburðarás í stjórnmálasögu þjóðarinnar sem gerði það að verkum að tæplega 10% Alþingismanna sitja eftir með stórskaðað pólitískt orðspor. Þingmenn Miðflokksins, Gunnar Bragi Sveinsson og Bergþór Ólason, eru farnir í leyfi og óvíst er um endurkomu þeirra. Kollegar þeirra, Sigmundur Davíð og Anna Kolbrún Árnadóttir hyggjast þó sitja sem fastast áfram. Þá var þingmönnum Flokks Fólksins, þeim Karli Gauta Hjaltasyni og Ólafi Ísleifssyni, vikið úr flokknum, ekki síst fyrir orð sín um takmarkaða leiðtogahæfileika Ingu Sæland.

Bára notaði dulnefnið Marvin sem var tilvísun í skáldsöguna Hitchhikers Guide to the Galaxy þegar hún sendi upptökurnar á fjölmiðlanna þrjá. Hún steig fram undir því dulnefni í viðtali við DV í síðustu viku en stígur nú skrefið til fulls og kemur fram undir fullu nafni í forsíðuviðtali Stundarinnar í dag. „Fyrsta viðtalið var mjög stressandi, þrátt fyrir nafnleysið. Ég lá nánast í rúminu allan daginn eftir að viðtalið birtist,” segir Bára. Viðtökurnar við frásögn Báru voru góðar og töluðu margir notendur samfélagsmiðla um að „Marvin„ væri maður ársins. Ekki voru allir á eitt sáttir við framgöngu Marvins, meðal annars skrifaði Davíð Oddsson, ritstjóri Morgunblaðsins, heilt Reykjavíkurbréf þar sem hann fordæmdi verknaðinn.

„Ef að Davíð Oddsson er ósáttur við eitthvað sem ég hef gert þá hlýt ég að vera á réttri leið. Ég óttast ekki afleiðingarnar af gjörðum mínum og ég er bjartsýn á að við íslensk stjórnmál verði betri fyrir vikið,” segir Bára sem er 42 ára, gift, á eitt barn og er öryrki. Hún er fötluð, hinsegin kona, og er meðlimur Tabú og formaður Behcets á Íslandi. Hún heldur úti snapchat reikningnum Barahalldors, instagram atvinnusjuklingur og facebook síðunni Behcet’s á íslandi.

„Ég er eiginleg stolt af því að vera litla þúfan sem velti þessu þunga hlassi og setti þessa atburðarás af stað. En ég gerði ekki meira en það, það er samfélagið allt sem á heiðurinn.“

Segir Bára í Stundinni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nylon-stjarna gengin út

Ekki missa af

Fréttir
Í gær

Eva Dís var vændiskona: Asnalegt að tala um vændi sem vinnu, vinna við að láta brjóta á sér

Eva Dís var vændiskona: Asnalegt að tala um vændi sem vinnu, vinna við að láta brjóta á sér
Fréttir
Í gær

Almannatenglar skráðir sem innherjar hjá Icelandair

Almannatenglar skráðir sem innherjar hjá Icelandair
Fréttir
Fyrir 2 dögum

Lögreglan auglýsti umferðarátak með ökuleyfissviptum útfararstjóra

Lögreglan auglýsti umferðarátak með ökuleyfissviptum útfararstjóra
Fréttir
Fyrir 2 dögum

Bolli segir að nú sé nóg komið: „Þessi þjóð hlýtur að eiga betra skilið“ – Þetta situr hún uppi með

Bolli segir að nú sé nóg komið: „Þessi þjóð hlýtur að eiga betra skilið“ – Þetta situr hún uppi með
Fréttir
Fyrir 3 dögum

Ungliði sakaði Helga Hjörvar um áreitni: „Konum í kringum framboð Samfylkingarinnar var mjög misboðið“

Ungliði sakaði Helga Hjörvar um áreitni: „Konum í kringum framboð Samfylkingarinnar var mjög misboðið“
Fréttir
Fyrir 3 dögum

Sjáðu tölvupóst Skúla til starfsfólks WOW: „Ég get ekki kennt neinum öðrum en sjálfum mér um þessi mistök“

Sjáðu tölvupóst Skúla til starfsfólks WOW: „Ég get ekki kennt neinum öðrum en sjálfum mér um þessi mistök“