fbpx
Fréttir

Englands óhamingju verði allt að vopni

Björn Þorfinnsson
Laugardaginn 14. júlí 2018 10:30

Englendingar eru í sárum eftir að knattspyrnulið þeirra beið lægri hlut fyrir Króötum í undanrásum heimsmeistarakeppninnar í knattspyrnu. Fimmtíu og tvö ár voru liðin frá því að enskt landslið spilaði úrslitaleik mótsins en þá hömpuðu Englendingar titlinum eins og frægt er. Biðin lengist því enn fyrir ensku þjóðina sem þarf að gera sér óspennandi leik um þriðja sætið við Belgíu að góðu.

Það er skammt stórra högga á milli hjá Englendingum því á 12.-13. júlí mun Donald Trump, forseti Bandaríkjanna, koma í opinbera heimsókn og funda með helstu ráðamönnum þjóðarinnar. Segja andstæðingar Trump að ekki sé til grimmari refsing en heimsókn forsetans eftir reiðarslagið í Moskvu. Englands óhamingju verði allt að vopni.

Fær ekki að snæða í Buckingham-höll

Heimsókn Trumps hefur mætt mikilli andstöðu frá því að Theresa May, forsætisráðherra Bretlands, bauð honum til landsins þegar hún heimsótti Hvíta húsið í janúar síðastliðnum. Í ljósi andstöðunnar var horfið frá því að öllu yrði tjaldað til við heimsóknina, eins og kvöldverði í Buckingham-höll og skrúðgöngu í miðbænum, en þess í stað er heimsóknin titluð sem „vinnuheimsókn“. Mun Trump meðal annars funda með May og hitta Elísabetu drottningu á stuttum fundi áður en hann flýgur úr landi.

Þegar May bauð Trump í heimsókn var tilgangurinn meðal annars sá að tryggja hollustu hans og Bandaríkjanna við samherja sína í NATO. Mikið vatn hefur síðan runnið til sjávar og hægt er að færa rök fyrir því að heimsóknin gæti ekki komið á verri tíma fyrir breska forsætisráðherrann. May berst nú fyrir pólitísku lífi sínu heima fyrir eftir að hafa tilkynnt umdeilda Brexit-áætlun sína og afsögn tveggja ráðherra, þeirra David Davis og Boris Johnson. Sá síðastnefndi er sagður leiða uppreisn Brexit-sinna gegn May.

Donald Trump og Theresa May ræða saman.

Vill hitta vin sinn Boris Johnson

Þá var Trump samur við sig á Nato-fundi í Brussel í vikunni. Móðgaði hann verðandi gestgjafa sína  með því að segja að landið væri í upplausn vegna Brexit og að hann vonaðist til þess að hitta vin sinn, títtnefndan Boris Johnson, á meðan heimsókn hans stæði yfir. Þá sagði hann að viðræður við Vladimir Putin, forseta Rússlands, yrðu auðveldari en viðræður við May og aðra leiðtoga NATO-ríkja. Þá féllu ummæli hans um að Þýskaland væri í heljargreipum Rússlands útaf því hversu háðir Þjóðverjar eru gasi frá Rússlandi í grýttan jarðveg.

 

Boris Johnson. Ráðherrann fyrrverandi er sagður leiða uppreisn Brexit-sinna gegn Theresu May.

Orðum Trumps var ekki vel tekið enda eru leiðtogar NATO-ríkjanna í fullkominni óvissu um hvort Bandaríkin, undir hans stjórn, myndu halda grundvallargildi sambandsins í heiðri ef Vladimir Putin og Rússar færa sig upp á skaftið, það er að árás á eitt NATO-ríki jafngildi árás á þau öll. Trump fer ekki leynt með að hann vill að G7-ríkin svokölluðu hleypi Rússum aftur inn í hópinn sem er nánast útilokað fyrir May í kjölfar þess að Rússar eru sakaðir um taugaeitursárásina í Salisbury á dögunum.

Það verður því fróðlegt að fylgjast með hvernig heimsókn Trump til Bretlands heppnast. Hún verður söguleg nánast hvernig sem hún fer. Eins og áður segir mætir heimsóknin mikilli andstöðu í Bretlandi. Búist er við fjölmennum mótmælum gegn Trump hvar sem hann stígur niður fæti.

Enginn hefur þó gengið lengra en ónefndur listamaður sem borgaði enskum bónda hátt gjald fyrir afnot af kornakri einum. Hafði listamaðurinn reiknað það út að allar líkur væru á því að flugvél Trump myndi fljúga yfir svæðið og þar með væri kominn fullkominn „náttúrulegur strigi“ fyrir listamanninn til þess að koma skilaboðum sínum á framfæri. Ekki ert hægt að segja að þessi einstaklingur hafi ákveðið að búa til eitthvað tímalaust meistaraverk heldur lét hann einföld textaskilaboð duga: „Блядь Trump“. Rússneska orðið þýðir bókstaflega „hóra“ en er í rússnesku notað á sama hátt og enska orðið „fuck“. Svo mörg voru þau orð.

 

Listamaðurinn greiddi háa fjárhæð til þess að koma skilaboðunum „Блядь Trump“ á framfæri.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 19 klukkutímum

Bjarni vinnur á lager: „Það er ekki sjéns að kaupa íbúð á þessu kaupi sem ég fæ“

Bjarni vinnur á lager: „Það er ekki sjéns að kaupa íbúð á þessu kaupi sem ég fæ“
Fréttir
Í gær

Alvarlegt bílslys á Kjalarnesi – Maðurinn var fastur undir bílnum

Alvarlegt bílslys á Kjalarnesi – Maðurinn var fastur undir bílnum
Fréttir
Í gær

Stórfelld lögregluaðgerð á Breiðdalsvík: „Það mátti greina mjög skært ljós út um hurðina“

Stórfelld lögregluaðgerð á Breiðdalsvík: „Það mátti greina mjög skært ljós út um hurðina“
Fréttir
Í gær

Allt á suðupunkti innan Orkuveitunnar: Þórður var sakaður um kynferðisbrot – Forstjóri stígur til hliðar – „Er þetta ekki komið gott?“

Allt á suðupunkti innan Orkuveitunnar: Þórður var sakaður um kynferðisbrot – Forstjóri stígur til hliðar – „Er þetta ekki komið gott?“
Fréttir
Í gær

Tugir vændiskvenna í miðbænum: Niðurstaðan er sláandi og allt í boði

Tugir vændiskvenna í miðbænum: Niðurstaðan er sláandi og allt í boði