Forsætisráðherra Svíþjóðar, staðfestir að árásin hafi verið hryðjuverk
Íslenskir íbúar og ferðamenn í Stokkhólmi eru hvattir til að láta ættingja sína og fjölskyldu vita af sér eftir að vörubíl var keyrt inn á Drottningargötu, sem er þekktasta verslunar- og göngugatan í miðborg Stokkhólms í dag. Töluvert fleiri eru slasaðir. Margt er óljós í málinu og lögreglan gefur lítið upp. Staðfest er að 5 hafi látist í árásinni og 8 til viðbótar séu slasaðir. Fólki er ráðlagt að halda sig frá miðborginni. Stefan Löfven, forsætisráðherra Svíþjóðar, segir að um hryðjuverk sé að ræða. Ráðist hafi verið á Svíþjóð.
Vegna fregna af meintri árás á Drottninggatan hvetjum við Íslendinga í Stokkhólmi að halda sig frá miðbænum, sérstaklega svæðunum í kringum Centralstationen, Hötorget og Fridhemsplan, miðað við upplýsingar sem sendiráðinu hafa borist.
Hvetjum fólk einnig til að fylgjast vel með fréttum í sænskum fjölmiðlum og virða tilmæli lögreglu í hvívetna. Við hvetjum fólk einnig til að láta vini og ættingja vita af sér og þar sem álag á símakerfið er mikið mælum við með því að þeir sem geta noti netið til þess.
Ef aðstoðar er þörf má hafa samband við Borgaraþjónustu utanríkisráðuneytisins í síma 545-9900 eða farsíma +46(0)708818533.
Athugið að búið er að loka ýmsum svæðum í miðbænum og fréttir hafi einnig borist af því að vissar lestar- og strætisvagnaleiðir séu lokaðar.
Urður Gunnarsdóttur, fjölmiðlafulltrúi utanríkisráðuneytsins, segist í samtali við RÚV vonast til að Facebook gefi fólki kost á því að merkja sig inn sem öruggt. Hún hvetur fólk til að nýta sér það.