Tesla framleiðir rafmagnsflutningabíl

Kemur á markað í september – Stefna að framleiðslu pallbíla innan tveggja ára

Elon Musk tilkynnti að Tesla myndi setja rafmagnsflutningabíl á markað í haust.
Kynnti rafmagnsflutningabíl Elon Musk tilkynnti að Tesla myndi setja rafmagnsflutningabíl á markað í haust.

Tesla hyggst setja rafmagnsflutningabíl á markað í september næstkomandi. Forstjóri Tesla, Elon Musk, tilkynnti þetta á Twitter-síðu sinni í gær. Þá tilkynnti Musk sömuleiðis að fyrirtækið stefndi að því að setja á markað rafmagns pallbíla og myndi það gerast eftir eitt og hálft til tvö ár.

Tesla nálgast nú óðfluga bílaframleiðandann General Motors í veltu en General Motors hefur til þessa verið veltuhæsti bílaframleiðandi í Bandaríkjunum. Í fyrra fór Tesla fram úr Ford þegar kemur að markaðsvirði.

Nýju Tesla Model 3 bílarnir, sem eru talsvert ódýrari en Model S og Model X, eru væntanlegir á markað í júlí næstkomandi. Fyrirtækið seldi ríflega 76 þúsund bíla á síðasta ári.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.