Time-tímaritið hefur frá árinu 1927 staðið fyrir valinu á manni ársins og árið í ár er engin undantekning í þeim efnum. Tímaritið hefur nú birt tilnefningar sínar og er óhætt að segja að einhver nöfn veki athygli.
Meðal þeirra sem eru tilnefndir eru Donald Trump Bandaríkjaforseti og Kim Jong-Un, forseti Norður-Kóreu. Sá sem verður fyrir valinu verður að hafa haft mikil áhrif á heiminn og skiptir þá engu hvort þau áhrif séu af hinu góða eða illa.
Donald Trump, forseti Bandaríkjanna
MeToo-hreyfingin
Kim Jong Un, forseti Norður-Kóreu
Jeff Bezos, stjórnarformaður Amazon
Colin Kaepernick, fyrrverandi leikmaður í NFL-deildinni
Xi Jinping, forseti Kína
The Dreamers, ungir innflytjendur í Bandaríkjunum sem eiga á hættu að vera vísað úr landi
Robert Mueller, saksóknari sem rannskar kosningabaráttu Donalds Trumps
Patty Jenkins, leikstjóri og sá kvenkyns leikstjóri sem hefur leikstýrt aðsóknarmestu kvikmyndinni á opnunarhelgi í Bandaríkjunum og Kanada. Um var að ræða myndina Wonder Woman sem frumsýnd var fyrr á árinu.