Í júní á síðasta ári tókst Rosalynn Michelle McGinnis að flýja frá stjúpföður sínum sem hafði haldið henni fanginni í 19 ár. Á þeim tíma beitti hann hana ítrekuðu kynferðisofbeldi og eignaðist 9 börn með henni.
Hryllingurinn hófst þegar Rosalynn var 11 ára en þá tók móðir hennar upp samaband við Henri Michele Piette. Um ári síðar byrjaði Henri að nauðga Rosalynn á heimili móður hennar í Oklahoma í Bandaríkjunum. Móðir hennar flúði síðan frá honum með Rosalynn en hinn ofbeldisfulli Henri fann þær á nýjan leik.
Skömmu síðar sótti Henri Rosalynn í skólann dag einn og lét sig hverfa með hana. Í 19 ár hélt hann henni fanginni í Mexíkó og Oklahoma að hennar sögn. Hún segir að á þessum tíma hafi hún verið laminn, beitt kynferðislegu ofbeldi og hafi eignast 9 börn með Henri.
News.com.au skýrir frá þessu. Það var í Mexíkó sem henni tókst að sleppa frá Henri og þegar hún kom til Bandaríkjanna skýrði hún lögreglunni frá málinu. Henri náðist þó ekki fyrr en í síðustu viku og var þá handtekinn.