Búist er við að Clinton tilkynni varaforsetaefnið síðar í dag
Tim Kaine verður varaforsetaefni Hillary Clinton, sem verður forsetaframbjóðandi Demókrata. Tim er þingmaður frá Virginíu. Hillary tilkynnti ákvörðun sína seint á Twitter í gærkvöldi. Búist er við að hún muni tilkynna val sitt síðar í dag.
Hann er mikill stuðningsmaður fríverslunarsamninga, en hann staðsetur sig við miðju í pólitík. Talið er að Tim gæti aðstoðað Hillary að höfða betur til spænskumælandi Bandaríkjamanna en hann talar reiprennandi spænsku.
Valið á Tim er talið öruggt, en breska ríkisútvarpið, BBC greinir frá því að valið á honum muni ekki styggja marga flokksmenn. Sjálfur hefur Tim sagst vera á móti fóstureyðingum, þó hann styðji rétt kvenna til fóstureyðinga.
Tim var borgarstjóri í Richmond í Virginíu á árunum 1998 til ársins 2001 og er hann talinn hafa staðið sig vel í embætti. Einnig var hann sjötugasti ríkisstjóri Virginíu á árunum 2009 til ársins 2011. Einnig er hann sagður hafa staðið sig vel í því hlutverki. Þá hefur Tim aldrei tapað í kosningum.