Grískur fornleifafræðingur, Konstantinos Sismanidis, telur sig hafa fundið gröf forngríska heimspekingsins Aristóteles sem af mörgum er talinn einn áhrifamesti hugsuður í vestrænni heimspeki. Hann var nemandi Platons og kennari Alexander mikla auk þess sem hann var mikilvirkur vísindamaður á sínum tíma og lét til sín taka á fjölmörgum sviðum, meðal annars rökfræði, frumspeki, eðlisfræði, sálfræði, líffræði, dýrafræði, siðfræði og stjórnmálafræði svo eitthvað sé nefnt. Independent greinir frá.

Hinn meinti hvílustaður Byggingin er í fæðingarborg heimspekingsins, Stagíru, sem er í 40 km. fjarlægð frá Þessalóníki. Jarðneskar leifar hins merka manns hafa hinsvegar ekki enn fundist.

Sismanidis stundaði rannsóknir á fæðingarstað Aristóteles, borginni Stageira, á tíunda áratug síðustu aldar en hann upplýsti ráðstefnugesti í grísku borginni Thessaloniki um að hann telji að eyðilögð bygging sem hann rakst á hafi verið hinsti hvílustaður hins merka manns. Sismanidis segir að byggingin hafi á sínum tíma verið minnismerki um heimspekingsins en þrátt fyrir mikla leit hafa jarðneskar leifar hans ekki fundist. Sismandis er þó viss í sinni sök. „Ég hef engar sannanir en sterkar vísbendingar, ég er eins viss og hægt er að þessi kenning sé rétt,“ sagði hann í fyrirlestri sínum og hélt því fram að staðsetning byggingarinnar, útlit hennar og staðsetning á miðju marmaragólfi styðji við kenningu sína auk þess sem áætlaður byggingartími komi heim og saman við dauða Aristóteles árið 322 f. Kr. en þá var heimspekingurinn 62 ára gamall.