Símamótið var haldið helgina 13. – 16. júlí síðastliðinn við Fífuna í Kópavogi. Um er að ræða stærsta knattspyrnumót landsins með um og yfir 2000 þáttakendum, en mótið er fyrir 5., 6. og 7. flokk kvenna. Símamótið var fyrst haldið árið 1985 og var þetta því 32. mótið í röðinni.
292 lið víðsvegar af landinu mættu til keppni, 84 lið í 5. flokki, 116 í 6. flokki og 92 í 7. flokki. Dagskráin hófst með skrúðgöngu frá Digraneskirkju á fimmtudagskvöldinu og keppni hófst að morgni föstudags. Það var sannarlega mikið líf og fjör í Kópavogi yfir helgina, en allir leikir fóru fram á félagssvæði Breiðabliks, bæði úti og í Fífunni. 6. og 7. flokkur léku 5 manna bolta, en 5. flokkur 7 manna bolta. Allir þáttakendur fengu viðurkenningarpeninga.
Fjöldi foreldra, systkina, annarra ættingja og vina mætti síðan á völlinn til að hvetja stelpurnar áfram. Stelpurnar á Símamótinu eru svo sannarlega flottir fulltrúar yngri kynslóðarinnar.
Búnaðurinn skoðaður Hildur Harpa Jakobsdóttir, 12 ára, í liði Grindavíkur athugar hvort skórnir séu í lagi, meðan hún bíður eftir næsta leik.
Blá og brosmild Sóldís Hulda Gunnarsdóttir, 8 ára, keppir fyrir Álftaness í 7. flokki.
Töffari í rauðu Sylvia Björg Björgvinsdóttir keppir fyrir 7. flokk Reyni/Víðis.
Silfur í hús Stjörnustelpurnar í 7. flokki uppskáru silfur eftir 0-1 úrslitaleik við Fram.
Liðsmyndataka Stelpurnar í 7. flokki Álftaness stilla sér upp fyrir liðsmyndatöku, en öll lið fengu mynd af sér.
Stöðufundur Stelpurnar í 5. flokki Breiðablik brugðu sér heim til eins pabbans í Kópavogi og tóku stöðufund.
Bikar á loft Stelpurnar í 6. flokki Grindavíkur uppskáru bikar og halda honum stoltar á lofti.
Kátar í Kópavogi Sylvía og Jana Margrét í 7. flokki Reyni/Víðis gistu í Kópavogi yfir helgina og skemmtu sér frábærlega á Símamótinu.
Systur og samherjar Systurnar Elma Lísa og Íris Eva Stefánsdætur, 9 ára, sem spila með 6. flokki Grindavíkur leika sér milli leikja.
Að norðan Þórsstelpur 6. flokks stilla sér upp fyrir liðsmyndatöku.
Flautað til leiks Vinkonurnar Lára Margrét Valdimarsdóttir og Erla Rún Pétursdóttir, 6 ára, halda inn á völlinn á sínu fyrsta símamóti.
Komið að leik Stelpurnar halda á völlinn til að keppa við næsta mótherja.
Þróttmiklar Þórsstelpur Hjörtfríður, Rósa Signý og Ragnheiður Tinna spila með Þór 2 í 6. flokki. Ragnheiður Tinna kveður vinkonur sínar í sumar, þegar hún flytur til Grindavíkur og byrjar að æfa fótbolta þar.
Ánægðar af loknu móti. Stjörnustelpur í 7. flokki ánægðar að loknu móti.
Brugðið á leik Fótboltamót snúast um meira en bara fótbolta. Þau snúast líka um að efla tengslin, styrkja vináttuna, leika sér, tala saman og kynnast betur. Seinna meir verða stund eins og þessi oftast eftirminnilegri en akkúrat hvað voru skoruð mörg mörk í einhverjum leik.
Við unnum leikinn! Stjörnustelpur í 7. flokki fagna sigri.
Stillt upp í turn Stelpurnar í 6. flokki Skallagríms Borgarnesi stilla sér upp í turn.Í neðstu röð frá vinstri: Ólöf Ösp Hjaltadóttir, Rakel Svava Rögnvaldsdóttir, Herdís María Einarsdóttir. Í miðröð frá vinstri: Anna Katrín Haraldsdóttir, Hugrún Harpa Ólafsdóttir og á toppnum er: Þóra Guðrún Einarsdóttir.Fyrir framan liggur Hrafnhildur Ósk Orradóttir.
