Fókus

Skyscraper: Steini hangir og hrapar

Tómas Valgeirsson
Sunnudaginn 22. júlí 2018 10:30

Í kjölfar velgengni einnar ástsælustu jólahasarmyndar allra tíma, Á tæpasta vaði, fylgdi aragrúi af hressum og vitaskuld misgóðum eftirlíkingum. Við fengum Die Hard á skipi (Under Siege), Die Hard á fjalli (Cliffhanger), Die Hard í flugvél (Passenger 57, Air Force One), Die Hard á íshokkíleik (Sudden Death), Die Hard í Hvíta húsinu (Olympus Has Fallen/White House Down). Listinn er endalaus.

Hasarmyndin Skyscraper smellir uppskrift jólaklassíkurinnar í blandara með hinni ódauðlegu The Towering Inferno og matreiðir samsuðu sem er sérstaklega sniðin að þeim sem finnst þær fyrrnefndu vera of hægar eða jarðbundnar.

Það fer ekki á milli mála að Dwayne Johnson, hvort sem hann gengur undir nafninu The Rock, Kletturinn, Steini eða Bergur, er hreint stórmerkileg fígúra. Á ýmsan hátt virkar hann eins og Arnold Schwarzenegger og Bruce Willis (blessuð sé minning ferils þeirra beggja) upprúllaðir í einn mann, nema með miklu stærra bangsahjarta og sýndarmennska hans er á allan hátt meira sjarmerandi.

Steini kann að leggja sig allan fram og hefur fullkomnað tæknina við að halda andliti með slæmt handrit að vopni. Nærvera mannsins hefur alltaf einhverju við að bæta, en Skyscraper er ein angandi klisjugeymsla þar sem spennufiðringur áhorfandans víkur fyrir sýniþörf og sem fer beint eftir bókinni. Eitt það jákvæða við þennan stökkglaða stjörnufans Steina er að fyrirmyndir myndarinnar koma enn betur út í samanburði.

Tómas Valgeirsson
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 20 klukkutímum

Þetta hafði þjóðin að segja um Flateyjargátuna: Fara Íslendingar í rúmið hver með öðrum án þess að þekkjast?

Þetta hafði þjóðin að segja um Flateyjargátuna: Fara Íslendingar í rúmið hver með öðrum án þess að þekkjast?
Fókus
Fyrir 20 klukkutímum

Vikan á Instagram – „Rændur af öpum í dag, í alvöru hversu sætir?“

Vikan á Instagram – „Rændur af öpum í dag, í alvöru hversu sætir?“
Fókus
Í gær

Hundrað prósent karllægt umhverfi

Hundrað prósent karllægt umhverfi
Fókus
Fyrir 2 dögum

11. september á Keflavíkurflugvelli

11. september á Keflavíkurflugvelli
Fókus
Fyrir 2 dögum

Kristín Lilja situr fyrir með Kendall Jenner

Kristín Lilja situr fyrir með Kendall Jenner
Fókus
Fyrir 3 dögum

Braust inn á elliheimili Akraness og kyrkti konu – Heyrði kallað „Nei!“ gegnum þilið – Tímavélin

Braust inn á elliheimili Akraness og kyrkti konu – Heyrði kallað „Nei!“ gegnum þilið – Tímavélin