Fókus

Davíð Þór: „Ég skammast mín“

Auður Ösp
Föstudaginn 8. september 2017 11:14

Davíð Þór Jónsson sóknarprestur í Laugarneskirkju er einn þeirra sem gagnrýnir ákvörðun Útlendingastofnunar að vísa feðginunum Abrahim Maleki og 11 ára dóttur hans Haniye úr landi og bendir á að það sé á skjön við Barnasáttmála Sameinuðu þjóðanna. Líkt og greint var frá í vikunni hefur kærunefnd útlendingamála staðfest ákvörðun Útlendingastofnunar að vísa feðginunum frá Afganistan aftur til Þýskalands á grundvelli Dyflinnarreglugerðarinnar.

Í hugleiðingu á facebooksíðu sinni ritar Davíð Þór:

„Í 3. gr. Barnasáttmála Sameinuðu þjóðanna sem lögfestur hefur verið á Íslandi segir m.a.: „Það sem barni er fyrir bestu skal ávallt hafa forgang þegar félagsmálastofnanir á vegum hins opinbera eða einkaaðila, dómstólar, stjórnvöld eða löggjafarstofnanir gera ráðstafanir sem varða börn.

Stjórnvöld túlka þetta svona: „Hér er trámatíserað barn sem þarf hjálp. Best að trámatísera það aðeins meira og láta einhverja aðra hjálpa því.“

ritar Davíð Þór og bætir við í lokin:

„Ég skammast mín.“

Haniye Maleki, 11 ára.
Haniye Maleki, 11 ára.

Þjáist af alvarlegum andlegum veikindum

Sema Erla Serdar formaður framkvæmdastjórnar Samfylkingarinnar hefur verið virk í umræðunni um málefni hælisleitenda hér á landi. Líkt og Davíð Þór gagnrýnir hún yfirvöld harðlega fyrir að vísa þeim Abrahim og Haniye úr landi líkt og fram kom í grein DV í vikunni.

„Kæru Íslendingar. Mig langar að biðja ykkur um að leggja þetta andlit á minnið. Þetta er hin 11 ára Haniye Maleki. Hún er fædd á flótta. Hefur verið á flótta allt sitt líf. 11 ár. Á ekkert heimaland. Ekkert heimili. Er ríkisfangslaus. Hún fór yfir Miðjarðarhafið á slöngubát í baráttunni fyrir lífi sínu og framtíð. Tvisvar. Hún þjáist af alvarlegum andlegum veikindum sem hún þarf nauðsynlega aðstoð með. Hún er því metin í „sérstaklega viðkvæmri stöðu“ af yfirvöldum,“ ritaði Sema Erla í pistli á facebook nú í vikunni.

Þá benti Sema á að Haniye hefði aldrei fengið að upplifa frið og öryggi fyrr en hún kom til Íslands.

„Íslensk yfirvöld eru að fara að senda þessi gríðarlega brotthættu feðgin aftur á flótta. Út í óvissuna. Út í óöryggið. Þeirra helstu martröð. Það er ekki pláss fyrir þau hér að mati íslenskra yfirvalda sem nota úrelta og úr sér gengna valkvæða heimild til að senda þau úr landi. Þau vilja losna við þau. Og fleiri. Í næstu vél á eftir feðginunum verður annað flóttabarn. Og þau verða fleiri. Yfirvöld telja það ekki vera ábyrgð sína að veita Haniye eða öðrum börnum í hennar stöðu möguleika á framtíð.“

Auður Ösp
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 2 dögum

Meghan Markle (36) og Elísabet drottning (92): Óaðfinnalega lekkerar vinkonur í opinberri heimsókn

Meghan Markle (36) og Elísabet drottning (92): Óaðfinnalega lekkerar vinkonur í opinberri heimsókn
Fókus
Fyrir 2 dögum

BÓKMENNTIR: Svikaskáldin fimm senda frá sér fagnaðarsöngva á morgun

BÓKMENNTIR: Svikaskáldin fimm senda frá sér fagnaðarsöngva á morgun
Fókus
Fyrir 4 dögum

TÍMAVÉLIN – Skáldkonan Ólöf frá Hlöðum (1857-1933) ólst upp við fátækt: „Oft grét ég þegjandi af leiðindum“

TÍMAVÉLIN – Skáldkonan Ólöf frá Hlöðum (1857-1933) ólst upp við fátækt: „Oft grét ég þegjandi af leiðindum“
FókusLífsstíll
Fyrir 5 dögum

Dekura: Einstök þjónusta í umsjón leiguhúsnæðis

Dekura: Einstök þjónusta í umsjón leiguhúsnæðis
Fókus
Fyrir 5 dögum

Plötusnúðarnir Sunna Ben og Katla velja Topp 10 uppáhalds lögin: Eru oftast í búrinu þegar þær eru í bænum

Plötusnúðarnir Sunna Ben og Katla velja Topp 10 uppáhalds lögin: Eru oftast í búrinu þegar þær eru í bænum
Fókus
Fyrir 5 dögum

Grýla étur ungabarn lifandi og Bjarni Ben treður sér í nábrók: Hvað gengur á í höfðinu á þér Þrándur?

Grýla étur ungabarn lifandi og Bjarni Ben treður sér í nábrók: Hvað gengur á í höfðinu á þér Þrándur?
Fókus
Fyrir einni viku

11 ára gamall sonur Rikku sýnir meistaratakta sem skurðlæknir: „Framtíðin er í höndum unga fólksins,“ segir mamman stolt

11 ára gamall sonur Rikku sýnir meistaratakta sem skurðlæknir: „Framtíðin er í höndum unga fólksins,“ segir mamman stolt
Fókus
Fyrir einni viku

Bótoxaði Meghan Markle (36) yfir sig?: Internetið andar í poka yfir andlitinu á hertogaynjunni af Sussex

Bótoxaði Meghan Markle (36) yfir sig?: Internetið andar í poka yfir andlitinu á hertogaynjunni af Sussex