Jakub Blaszczykowski, fyrrum leikmaður Borussia Dortmund, hefur sami við lið Wisla Krakow í Póllandi.
Þetta var staðfest í dag en Blaszczykowski gengur í raðir félagsins á ný eftir að hafa spilað þar frá 2004 til 2007.
Síðar samdi hann við Dortmund og hefur svo stoppað stutt hjá Fiorentina og Wolfsburg.
Wisla er í miklum fjárhagserfiðleikum og hefur Pólverjinn samþykkt að hjálpa félaginu að borga leikmönnum laun.
Félagið skuldar leikmönnum um 300 þúsund evrur í laun og mun hann borga þá upphæð úr eigin vasa.
Blaszczykowski hefur fengið vel borgað á sínum ferli enda lengi verið atvinnumaður. Hann er 33 ára gamall í dag.
Hann mun leika frítt fyrir Wisla sem leikur í efstu deild í Póllandi.