Samband Jose Mourinho og miðjumannsins Paul Pogba hefur verið mikið í fjölmiðlum í sumar.
Talið er að það andi köldu á milli Mourinho og Pogba en sá síðarnefndi er orðaður við brottför.
Pogba ræddi aðeins við fjölmiðla á dögunum og sagðist ekki geta sagt hvað sem er við blöðin því honum yrði refsað.
Í dag er greint frá því að Mourinho hafi látið Pogba heyra það eftir þessi ummæli en Portúgalinn varaði leikmanninn við að ræða við fjölmiðla.
Samvkæmt þessum fregnum sagði Mourinho miðjumanninum að biðja um sölu ef hann vildi komast annað í sumar.
Pogba á að hafa svaraði Mourinho með þvi að benda honum á umboðsmann sinn, Mino Raiola og eiga öll samskipti að fara í gegnum hann.
Það verður fróðlegt að fylgjast með hvað gerist á næstu dögum en félagaskiptaglugginn í flestum deildum Evrópu er enn opinn.