Chelsea 1-0 Manchester United
1-0 Eden Hazard (víti, 23′)
Úrslitaleikur enska bikarsins fór fram á Wembley í dag er Chelsea og Manchester United áttust við.
Bæði lið áttu nokkuð erfitt tímabil en United gekk þó mun betur í deildinni og endaði í öðru sætinu á eftir Manchester City.
Það var aðeins eitt mark skorað á Wembley í dag og það gerði Belginn Eden Hazard fyrir bláliða.
Hazard fiskaði vítaspyrnu sjálfur í fyrri hálfleik, steig á punktinn og skoraði örugglega framhjá David de Gea.
United fékk nokkur góð tækifæri til að jafna í síðari hálfleik en inn vildi boltinn ekki og lokastaðan 1-0.