HM í Rússlandi hefst eftir nokkrar vikur en mikil eftirvænting ríkir fyrir þessum stærsta íþróttaviðburði í heimi.
VAR mun spila stórt hlutverk í keppninni í ár en þetta verður í fyrsta sinn sem stuðst verður við myndbandsdómgæslu á Heimsmeistaramótinu.
Stuðningsmenn og áhorfendur munu nú geta séð endursýningar af atvikum sem dómarinn tekur fyrir á stórum skjá á vellinum en þetta var tilkynnt í dag.
VAR hefur verið talsvert gagnrýnt fyrir að hægja á leiknum og að áhorfendur viti og skilji lítið hvað sé í gangi, þegar dómarinn ákveður að stöðva leikinn.
FIFA ætlar því að koma til móts við stuðningsmenn með því að sýna atvikin aftur á stórum skjá þar sem ákvarðnir dómarans verða útskýrðar eins og best verður á kosið.