Ísland kastaði frá sér nánast unnum leik gegn heimsmeisturum Frakka í æfingaleik ytra í gær. Íslenska liðið var miklu sterkari aðili stærstan hluta leiksins en fékk á sig klaufaleg mörk undir lokin.
Birkir Bjarnason kom íslenska liðinu yfir eftir hálftíma leik með frábæru marki. Alfreð Finnbogason vann boltann af harðfylgni og kom honum á Birki sem afgreiddi færið vel. Íslenska liðið var loksins líkt því eins og við þekkjum það, það var svo eftir klukkutíma leik sem Kári Árnason kom Ísland í 0-2. Gylfi Þór Sigurðsson tók hornspynu sem Kár skallaði í slá og inn.
Frakkar löguðu stöðuna seint í leiknum þegar Hannes Þór varði skot Kylian Mbappe í Hólmar Örn og í netið. Frakkar jöfnuðu svo leikinn úr vítaspyrnu á lokamínútu fyrri hálfleiks, Kolbeinn Sigþórsson handlék knöttinn og Kylian Mbappe skoraði af öryggi.
Í uppbótartíma brutust svo út létt létt slagsmál þegar Rúnar Már Sigurjónsson bombaði niður Kylian Mbappe.
Paul Pogba varð reiður og Jóhann Berg Guðmundsson mætti að svara fyrir liðsfélaga sína, Víðir Reynisson, öryggistjóri KSÍ þurfti að draga hann af vettvangi.
Meira:
Sjáðu myndirnar: Slagsmál brutust út í leik Íslands og Frakklands – Jóhann Berg dreginn í burtu
Víðir og Jóhann gera grín að atvikinu á Twitter. ,,Bara annar dagur á skrifstofunni,“ skrifar Víðir á Twitter.
,,Þetta hefði endað illa fyrir Frakkana hefðiru hleypt mèr í þá,“ sagði Jóhann Léttur.
,,Já ég var að hugsa um þá greiin. Eiga erfiðan leik á mánudaginn, ekki gott nesti að lenda í þér…,“ svaraði Víðir að lokum.
