Jurgen Klopp fyrrum stjóri Liverpool hefur sent frá sér yfirlýsingu vegna andláts Diogo Jota og bróður hans sem létust í bílslysi í nótt.
Jota var keyptur til Liverpool árið 2020 þegar Klopp var stjóri liðsins og var samband þeirra einstakt.
Segja má að lífið hafi aldrei verið eins gott og undanfarið fyrir Jota, hann varð Englandsmeistari með Liverpool í vor, hann vann Þjóðadeildina með Portúgal í sumar og gifti sig svo fyrir tveimur vikum. Hann átti þrjú börn með eiginkonu sinni.
Hann var 28 ára gamall þegar hann lést en Jota gerði vel fyrir Liverpool og var í stóru hlutverki í landsliði Portúgals.
Yfirlýsing Jurgen Klopp:
Þetta er augnablik sem ég í erfiðleikum með!
Það hlýtur að vera eitthvað stærra sem þér er ætlað!
Ég sé það samt ekki núna!
Ég er með brotið hjarta að heyra af andláti Diogo og bróður hans Andre.
Diogo var ekki bara frábær leikmaður heldur frábær vinur, gaf frá sér ást og hugsaði vel um eiginkonu sína og börn!
Við munum sakna þín svo mikið!
Allar mínar bænir og styrkur fer til Rute, krakkana, fjölskyldunnar, vina og allra sem elskuðu hann!
Hvíldu í friði – Ást
